Чанд хабар аз хориҷи кишвар

Боздошти қаллоб дар фурудгоҳи Италия Душанбе, 27 сентябр. (АМИТ «Ховар»).- Ба иттилои расонаи хабарии «Рашн Тудей» дирӯз дар фурудгоҳи байналмилалии Италия кормандони мақомоти махсус як тан қаллобро дастгир намуданд, ки ӯ тӯли чанд вақт бо роҳи фиреб ва сохтани ҳуҷҷати қалбакӣ худро корманди ширкати ҳавопаймоии «Люфтганза» муаррифӣ карда, бидуни пардохти маблағ дар хатсайрҳои гуногун парвоз мекард. Кормандони Хадамоти таъиноти махсус қаллобро аз рўи аксҳое, ки дар интернет интишор намудааст, шинохтаанду боздошт намудаанд.Бояд қайд кард, ки ин мард 32 сола буда, нисбат ба ӯ парвандаи ҷиноӣ боз шуда, тафтишот идома дорад Беаҳамиятии собиқ мири шаҳри Чун-Тсин Душанбе, 27 сентябр. (АМИТ «Ховар»).- Собиқ мири шаҳри Чун-Тсини Ҷумҳурии Мардумии Чин, ки дар вазифаи роҳбари мақомоти полиси мамлакат кор мекард, аз ҷониби кормандони назорати молиявӣ ва мубориза бо коррупсия дастгир гардида, ба 15 соли маҳрумият аз озодӣ маҳкум гардид. Тавре ки хабар дода мешавад, айбдоршаванда Ван Ли Дзюн, ки хамчун муборизи собитқадам алайҳи ҷинояткорӣ маъруфу машҳур буд, барои сўйистифода аз мансаб ва гирифтани ришва дар ҳаҷми 3 миллион юан муттаҳам дониста шуд. Тарҷумаи Иброҳими Ҳабибуллоҳ