Илова ба қонуни Буҷети давлатӣ

Душанбе, 25 сентябр.(АМИТ «Ховар», Марзия Саидова).-Лоиҳаи Қонунҳои Ҷумҳурии Тоҷикистон «Оид ба ворид намудани тағйиру илова ба Қонуни Ҷумҳурии Тоҷикистон «Дар бораи Гвардияи миллии Ҷумҳурии Тоҷикистон», «Дар бораи иҷозатномадиҳӣ ба баъзе намудҳои фаъолият», «Дар бораи ворид намудани тағйирот ба Кодекси мурофиавии ҷиноятии Ҷумҳурии Тоҷикистон» аз масъалаҳое буданд, ки 25 сентябр дар ҷаласаи Шўрои палатаи поёнии парлумони мамлакат, ки таҳти раёсати Шукурҷон Зуҳуров доир шуд, баррасӣ гардиданд. Аз палатаи поёнии парлумони мамлакат ба АМИТ «Ховар» иттилоъ доданд, ки аъзои Шўро ҳамзамон масъалаҳои ворид намудани тағйиру илова ба Кодекси расмиёти маъмурии Ҷумҳурии Тоҷикистон «Оид ба ворид намудани илова ба Кодекси граждании Ҷумҳурии Тоҷикистон (қисми якум)», «Оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2012», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи нафақаҳои суғуртавӣ ва давлатӣ», дар бораи таъсис додани гурўҳи корӣ оид ба таҳияи лоиҳаи Қонуни Ҷумҳурии Тоҷикистон «Дар бораи ворид намудани тағйирот ба Кодекси ҳуқуқвайронкунии маъмурии Ҷумҳурии Тоҷикистон»-ро баррасӣ намуданд. Масъалаҳои мазкурро раисони кумитаҳои Маҷлиси намояндагон Амирқул Азимов, Амир Катаев, Маҳмадалӣ Ватанов, Олим Салимзода ва дигар аъзои Шўро тавзеҳ доданд. Дар фарҷом қисме аз масъалаҳо барои баррасӣ ба ҷаласаи якуми иҷлосияи чоруми Маҷлиси намояндагон ва қисми дигар барои додани хулосаи ташхиси ҳуқуқӣ ба шўъбаи ҳуқуқи Дастгоҳи Маҷлиси намояндагон ирсол гардид.