Корхонаҳои аз пардохти музди меҳнат қарздор
Душанбе, 4 сентябр. (АМИТ «Ховар», Лаззат Диловарзод).- Маблағи қарздорӣ аз пардохти музди меҳнат бо назардошти солҳои гузашта то охири моҳи июли соли 2012-ум ба андозаи 20 млн. 483,9 ҳазор сомонӣ боқӣ мондааст. Қарздорӣ аз пардохти музди меҳнат дар 7 моҳи соли ҷорӣ 14 млн. 307,7 ҳазор сомонӣ ё 69,8 фоизи маблағи умумиро ташкил додааст.- иброз доштанд дар Агентии омори назди Президенти Ҷумҳурии Тоҷикистон ба мухбири АМИТ «Ховар». Бо вуҷуди боқӣ мондани қарздорӣ аз пардохти музди меҳнат, дар охири моҳи июн нисбат ба охири моҳи майи соли ҷорӣ қарздорӣ ба маблағи 2 млн. 405,8 ҳазор сомонӣ ё ки ба миқдори 10,5 фоиз кам шудааст. Камшавии қарздорӣ аз пардохти музди меҳнат қариб дар ҳамаи бахшҳои фаъолияти иқтисодӣ ба қайд гирифта шудааст. Танҳо дар соҳаи кишоварзӣ қарздорӣ аз пардохти музди меҳнат бетағйир монда, дар сатҳи моҳи гузашта қарор дорад. Камшавии қарздорӣ аз музди меҳнат қариб дар ҳамаи намудҳои фаъолияти иқтисодии бахши хизматрасонӣ ба қайд гирифта шудааст. Ба иттилои манбаъ, қарздории аз ҳама зиёд дар бахши воқеии намудҳои фаъолияти иқтисодӣ, аз ҷумла дар сохтмон ба андозаи 9 млн.368,2 ҳазор сомонӣ, дар соҳаи барқу газ ва таъмини об ба миқдори 3 млн. 557 ҳазор сомонӣ, кишоварзӣ, шикор ва ҷангалпарварӣ ба миқдори 3 млн. 814,2 ҳазор сомонӣ боқӣ мондааст.
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
