Либоси ягонаи зоирини тоҷик

Душанбе, 17 сентябр. (АМИТ «Ховар», Дилшодаи Хайруллоҳ)- Кумитаи корҳои дини назди Ҳукумати Ҷумҳурии Тоҷикистон имсол тасмим гирифт, ки ду-се ҳафта қабл аз оғози сафар либосҳои махсусро дастраси зоирин намояд, то ки дар ин муддат онҳо ҳамаҷониба омодагӣ бигиранд. Бояд зикр намуд, ки маҷмӯъи либосҳо барои зоирин ду ҷуфт либос, як ҷузвдон, як ҷузвдони дастӣ, як ҷуфт пойафзол, бейҷик ва китобчаи “Роҳнамои ҳаҷ ва умра”-ро дар бар мегирад. Тӯли солҳои охир сатҳу сифати хизматрасониҳо барои зоирин дар Маккаи мукаррама ва Мадинаи мунаввара ба маротиб боло рафтааст ва яке аз ин бартариҳо бори нахуст дар баробари дигар кишварҳо бо либоси ягона ва дорои нишонаҳо ва парчами Тоҷикистон будани онҳо маҳсуб мешавад.