Лоиҳаи нави тиббӣ дар Душанебе
Душанбе, 19 сентябр.(АМИТ «Ховар», Марзия Саидова).- Шаҳрдории Душанбе бо мақсади дарёфти беҳтарин таҳиягари лоиҳаи таҷҳизонидани иншооти беморхонаи бисёрсоҳавии дорои 650 кат бо дармонгоҳ барои қабули 800 нафар дар як баст ва «Осоишгоҳ барои 200 ҷой» бо таҷҳизот ва дастгоҳҳои муосири тиббӣ озмуни кушод эълон менамояд. Тибқи қарори раиси шаҳри Душанбе Маҳмадсаид Убайдуллоев барои дарёфти таҳияи лоиҳаи иншооти мазкур Комиссияи озмунӣ аз ҳисоби намояндагони сохторҳои марбутаи шаҳрию ҷумҳуриявӣ ва вакилони Маҷлиси вакилони халқи шаҳри Душанбе созмон дода шудааст. Дар озмун ташкилотҳои лоиҳакашии салоҳиятноки ватанию хориҷӣ ҳуқуқи иштирок карданро доранд. Аз Раёсати сохтмони асосии шаҳри Душанбе ба хабарнигори АМИТ «Ховар» иттилоъ доданд, ки иншооти беморхонаи бисёрсоҳавии дорои 650 кат бо дармонгоҳ барои қабули 800 нафар дар як баст ва осоишгоҳ барои 200 ҷой дар кўчаи Неъмат Қарабоев, шафати бозори «Султони Кабир» бунёд карда мешавад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
