Ман ҳамонам, ки шумо дидаву каф кӯфтаед…
Душанбе, 19 август. (АМИТ «Ховар», Мавҷуда Анварӣ). — 20-уми сентябри соли ҷорӣ дар Кохи фарҳанги шаҳри Панҷакент консерти хайрияи устодони санъати Тоҷикистон Афзалшоҳ Шодиев, Сафаргул Юсупова, Абдумаҷид Бердиев, Қобилҷон Зарифов, Хурсандмурод Зарифов, Ситораи Кароматулло, Ақназар Аловатов, Додо Бобоев ва дигарон ба хотири гиромидошти Ҳунарманди шоистаи Тоҷикистон Олимҷон Бобоев (Олими Искандар) таҳти унвони «Ман ҳамонам, ки шумо дидаву каф кӯфтаед…» баргузор мегардад.Муовини директори Театри давлатии ҷавонон ба номи М. Воҳидов Зиёбой Тошев ба хабарнигори АМИТ «Ховар» иттилоъ дод, ки маҳфили ёдбуд бо ибтикори Вазорати фарҳанг, Кумитаи телевизион ва радиои назди Ҳукумати ҶТ, Муассисаи давлатии сафарӣ-ҳунарии «Базморо» дар ҳамоҳангӣ бо мақомоти иҷроияи ҳокимияти давлатии вилояти Суғд ва шаҳри Панҷакент баргузор мешавад. Маблағи аз ҳисоби фурӯши чиптаҳо ҷамъшуда ба аҳли оилаи шодравон Олимҷон Бобоев бахшида мешавад.Маврид ба ёдоварист, ки Ҳунарманди шоистаи Тоҷикистон Олимҷон Бобоев моҳи феврали соли равон дар сини 54-солагӣ дар шаҳри Душанбе аз ҷаҳон гузашт ва ҷасади ӯ дар зодгоҳаш- шаҳри Панҷакент ба хок супурда шуд.Вай чандин сол дар дастаи «Шашмақом»-и Кумитаи телевизион ва радиои Тоҷикистон фаъолият карда, барандаи чандинкаратаи Ҷашнвораи байналмилалии «Таронаҳои Шарқ» аст.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
