Муҳлати будубоши пойгоҳи 201-ум тамдид мешавад?
Душанбе, 21 сентябр. (АМИТ «Ховар», Афшини Муқим)- Дар мулоқоти Президенти Ҷумҳурии Тоҷикистон Эмомалӣ Раҳмон ва Муовини аввали раиси Ҳукумати Федератсияи Русия Игор Шувалов як қатор масоили муҳим дар соҳаҳои сиёсату иқтисод, энергетикаву амният мавриди баррасӣ қарор гирифтанд. Таваҷҷӯҳи хосса дар бобати муайянсозии муҳлат ва шароити будубоши пойгоҳи низомии Федератсияи Русия дар Тоҷикистон пас аз соли 2014 сурат гирифт. «Ба мо имкон даст дод, то ҳар як масоили ҳалталаб дар бахшҳои мухталифро дар фазои ҳамдигарфаҳмӣ ва ба нафъи ҳар ду кишвар ҳал намоем» — иброз дошт Игор Шувалов. Ба гуфти Игор Шувалов масъалаи густариши ҳамкории иқтисодии байни Русия ва Тоҷикистон аз мавзӯоти меҳварии мулоқот будааст. Шувалов илова намуд, ки дар ҷараёни сафари қарибулвуқӯи Президенти Федератсияи Русия Владимир Путин ба Тоҷикистон дар назар аст, якчанд санадҳои муҳим дар бахшҳои энергетика, иқтисод, амният, инчунин созишнома дар мавриди будубоши пойгоҳи 201-уми Русия дар Тоҷикистон баъд аз соли 2014 ба имзо расанд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
