Нақби Шаҳристон ба истифода дода мешавад
Душанбе, 12 сентябр. (АМИТ «Ховар», Дилшодаи Хайруллоҳ). -11-уми сентябри соли равон Сарвазири Ҷумҳурии Тоҷикистон Оқил Оқилов бо ҷараёни корҳои сохтмонӣ дар нақби мошингузари «Шаҳристон», ки дар марҳилаи анҷомёбӣ қарор доранд, шинос шуд. Тавре ки аз котиботи Сарвазири ҶТ иттилоъ доданд, Оқил Оқилов ва ҳайати ҳамроҳонаш бевосита бо ҷараёни корҳои омодасозии ҳарду қисмати нақб барои мавриди баҳрабардорӣ қарор гирифтанаш шинос шуда. доир ба тезонидани корҳои сохтмонӣ ва ороишотӣ, инчунин фароҳамсозии шароити созгори равшанидиҳию ҳавотозакунӣ ба масъулини соҳа ва мутахассисон дастуру супоришҳои мушаххас дод. Маълум гардид, ки дар айни замон корҳо мувофиқи мақсад ба роҳ монда шуда, наздики 700 нафар коргари маҳаллӣ ва мутахасиси хитоӣ ба таври шабонарўзӣ корро пеш мебаранд. Сипас дар маҳалли сохтмони нақб дар ҳузури Сарвазири мамлакат Оқил Оқилов ситоди корӣ доир шуда, нақшаи корҳои сохтмонии дар ду ҳафтаи охир иҷрошуда ва вазифаҳои навбатӣ барои ду ҳафтаи оянда баррасӣ гардид. Хотиррасон бояд кард, ки нақби Шаҳристон бо дарозии 5200 метр дар шоҳроҳи Душанбе – Айнӣ- Истаравшан –Хуҷанд- Бўстон аз ҷониби мутахассисони Ҷумҳурии Тоҷикистон ва Ҷумҳурии Мардумии Чин сохта ба истифода дода мешавад.
Имрӯз дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
