Забони давлатӣ ва танзими ислоҳот

Душанбе,17 сентябр.(АМИТ «Ховар», Зарангез Латифова).- 18-уми сентябри соли ҷорӣ бахшида ба Рӯзи забони давлатии ҷумҳурии Тоҷикистон дар Кохи Ваҳдат конфронси илмию амалӣ таҳти унвони «Забони давлатӣ ва танзими ислоҳот» баргузор мегардад.  Дар конфронс як қатор барномаҳо «қолабҳои вожасозӣ дар номгузории бонкҳо», «Масъалаҳои татбиқи забони тоҷикӣ дар соҳаи илм», «Баъзе масъалаҳои истифодаи истилоҳот дар Кодекси ҷиноии ҷумҳурии Тоҷикистон», «Вижагиҳои забон ва истилоҳоти бахши ҳуқуқ», «Як сарчашмаи такомули истилоҳоту муштақоти забони тоҷикӣ» ва дигар мавзӯъҳо мавриди баррасӣ қарор мегиранд. Бояд ёдовар шуд, ки дар он раиси Кумитаи забон ва истилоҳоти назди ҳукумати ҷумҳурии Тоҷикистон Додихудо Саймиддинов, мушовири давлатии Президенти ҷумҳурии Тоҷикистон оид ба рушди иҷтимоӣ ва робита бо ҷомеа, доктори илми сиёсатшиносӣ Саймурод Фаттоев ва дигар олимону донишмандони соҳаи забон ширкат варзида, доир ба масъалаҳои истилоҳоти забони давлатӣ суханронӣ менамоянд.