Анҷоми ҷаласаи шӯрои АвруОсиё дар Душанбе

Душанбе, 17 октябр. (АМИТ «Ховар», Людмила Дубинина ). – 16 октябр дар шаҳри Душанбе ҷаласаи панҷуми Шӯрои фарҳанги назди Кумитаи ҳамгироии Ташкилоти иқтисодии АвруОсиё баргузор гардид. Дар кори ҷаласа роҳбарони вазоратҳои фарҳанги давлатҳои аъзои АвруОсиё – Беларус, Қазоқистон, Қирғизистон, Русия ва Тоҷикистон иштирок намуданд.Иштирокдорони ҷаласа 10 масъала, аз ҷумла Созишнома дар бораи самтҳои ҳамкорӣ дар бахши фарҳанг, ҷараёни иҷрои Дурнамои чорабиниҳо барои татбиқи Самтҳои асосии ҳамкорӣ барои солҳои 2012 — 2015 ва солҳои минбаъда, дар бораи принсипҳои асосии сиёсати бахши фарҳанг ва ғайраро мавриди баррасӣ қарор доданд.Дар ҳошияи ҷаласаи панҷуми Шӯро конфронси илмию усулӣ дар мавзӯи «Масоили ҳифз, истифода ва таҷдиди иншоотҳои осори таърихию фарҳангӣ ва проблемаҳои мамнӯъгоҳҳои давлатӣ» баргузор гардид. Дар анҷоми ҷаласа вазири фарҳанги Тоҷикистон Мирзошоҳрух Асрорӣ ва дабири масъули Шӯро Ибод Раҳимов кори ҷаласаро ба дараҷаи баланд арзёбӣ намуданд. Ҷаласаи ояндаи V1 – уми Шӯро дар нимаи аввали соли 2013 дар Федератсияи Русия баргузор мегардад.