Барқароркунии пул
Суғд, 15 октябр. (АМИТ «Ховар», Мирзалӣ Амонов).- Дар ноҳияи Ҷаббор Расулов барқароркунии пули болои сои Томчӣ, ки бар асари офати табиӣ зарар дида буд, бо ҷалби 20 нафар сокини бешуғли деҳоти Ӯзбекқишлоқ ва Зарафшон дар асоси шартномаи миёни ҷамоати деҳоти Ӯзбекқишлоқ ва шуъбаи Агентии давлатии ҳифзи иҷтимоӣ, шуғли аҳолӣ ва муҳоҷирати ноҳия амалӣ мешавад.Дарозии пули болои сои Томчӣ 40 метр ва бараш 9 метр буда, барои пайвастани 7-8 деҳаи хурду калони ноҳияи Ҷаббор Расулов ва Бобоҷон Ғафуров, рафтуомади шаҳрвандони Ҷумҳурии Тоҷикистон ва Ҷумҳурии Қирғизистони ҳамсоя аз пули асосии мошингузар хизмат мекунад.Барои барқарорсозии ин пули мошингузар ва анҷоми корҳои соҳилмустаҳкамкунӣ ба маблағи 1миллиону 160 ҳазор сомонӣ лоиҳа ва санади муҳандисию техникӣ таҳия шудааст.Алҳол корҳои навсозӣ ва таҳкими пояи пул, арматурабандӣ ва бетонкории қисмати соҳилро анҷом дода, конструксияи оҳану бетонии баданаи вайроншудаи пулро месозанд.Барои иҷрои корҳо аз Вазорати нақлиёти ҷумҳурӣ ва буҷаи маҳаллӣ марҳила ба марҳила маблағҳо равона мегарданд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
