Фаъолияти корхонаҳои истихроҷи нафту газ

Душанбе, 11 октябр. (АМИТ «Ховар», Дилшодаи Хайруллоҳ). -Дар 9 моҳи соли 2012 дар корхонаву муассисаҳои соҳаи истихроҷи нафту газ ба миқдори 9361 ҳазор м3 гази табиӣ истихроҷ гардида, он ба аҳолию корхонаҳои саноатии шаҳрҳои Қӯрғонтеппа, Кӯлоб, қисман ба шаҳри Душанбе ва ноҳияҳои Румӣ, Сарбанд, Исфараю Конибодом интиқол дода шуд. Коргоҳи КВД «Нафтгаз ва ангишт» истихроҷи нафтро ба 2360 тонна расонида, нақшаро 153,2% иҷро намуд, ки ин нисбат ба ҳамин давраи соли гузашта 818 тонна зиёд мебошад. Суръати афзоиш 153,0%-ро ташкил намуд. Истихроҷи гази табиӣ ба 6554 ҳаз.м3 расонида шуд, ки ин 56,6%-и нақшаро ташкил дода, нисбати нақша 5026 ҳазор м3 кам ва нисбати ҳамин давраи соли гузашта -4799 ҳаз.м3 кам истихроҷ карда шудааст. Суръати афзоиш ба ҳисоби молӣ нисбат ба ҳамин давраи соли гузашта мутаносибан 170,5% ва 58,3%-ро ташкил медиҳад. Шумораи чоҳҳои баҳрабардоранда 15 адад буда, аз ин 8 адад газӣ ва 7 то нафтӣ мебошад. Ба иттилои котиботи Вазорати энергетика ва саноати ҶТ , ҶММ «Салоса» дар ин давраи ҳисоботӣ истихроҷи нафтро ба 6205 тонна расонида, иҷрои нақшаро 22 тонна зиёд ё ин ки 100,4% таъмин намуд. Суръати афзоиш нисбат ба ҳамин давраи соли гузашта 101,4%-ро ташкил медиҳад. Ҷамъият нафти вазнини истеҳсолшударо дар дохили корхона коркард мекунад ва маҳсулоти тайёр ба корхонаву ҷамъиятҳои ҷумҳурӣ фурӯхта мешавад. Чоҳҳои маҳсулотдиҳандаи ҷамъият 21 ададро ташкил медиҳад.