Гардиши савдои хориҷӣ меафзояд
Душанбе, 30 октябр. (АМИТ «Ховар», Лаззат Диловарзод).- Бино ба иттилои маркази матбуоти Вазорати рушди иқтисод ва савдои ҷумҳурӣ, дар 9 моҳи соли ҷорӣ гардиши савдои хориҷии ҶТ 3 млрд. 652,5 млн. доллари ИМА-ро ташкил дод, ки нисбат ба ҳамин давраи соли 2011 ба андозаи 11,3 фоиз ё 370 млн. доллар зиёд шудааст. Бо вуҷуди ин тарози савдо манфӣ арзёбӣ гардид ва ҳамагӣ дар 9 моҳ 1 млрд. 714 млн. долларро ташкил дод.Ҷумҳурии Тоҷикистон дар давоми моҳҳои январ-сентябри соли ҷорӣ бо 96 кишвари ҷаҳон, аз он ҷумла бо 10 мамлакати ИДМ ва 86 кишвари хориҷи дур муносибати тиҷоратии худро ба роҳ мондааст.Дар гардиши савдои хориҷӣ ба ҳиссаи ИДМ 43,9 фоиз ё 1 млрд. 609,6 млн. доллар ва ба ҳиссаи мамлакатҳои хориҷи дур 2 млрд. 47.9 млн. доллар рост меояд.Таваҷҷуҳи давлатҳои хориҷӣ ба маҳсулоти корхонаҳои саноатии Тоҷикистон сол то сол меафзояд, ин аст ки танҳо дар 9 моҳи соли 2012 ҳаҷми гардиши савдои хориҷӣ бо ИДМ 9,5 фоиз ё 139 млн. доллар ва ба мамлакатҳои хориҷи дур дар ҳаҷми 231,5 млн. доллар зиёд гардид. Танҳо дар моҳи сентябри соли 2012 гардиши савдои хориҷӣ 10,5 фоиз ё 39,8 млн. доллар афзудааст.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
