Кафедраи бемориҳои ҷарроҳӣ 70 –сола шуд

Душанбе, 15 октябр. (АМИТ «Ховар», Ибодат Давлатова). – Дар маҷлисгоҳи Донишгоҳи давлатии тиббии Тоҷикистон ба номи Абӯалӣ ибни Сино конфронси илмию амалии шаҳрӣ дар мавзӯи «Масъалаҳои мубрами ҷарроҳии таъҷилӣ» баргузор гардид. Конфронс ба 70 -солагии кафедраи бемориҳои ҷарроҳии № 1 бахшида шуда ва дар кори он намояндагони вазорату сардорони раёсатҳои тандурустии Ҷумҳурии Тоҷикистон ва намояндагони Федератсияи Русия ширкат варзиданд. Дар чорабинӣ оид ба фаъолияти пурсамари кафедраи бемориҳои ҷарроҳии №1, инчунин таърихи тараққии хадамоти ҷарроҳии шаҳри Душанбе ва пешомадҳои он сухан рафт. Дар ин бора ба мухбири АМИТ «Ховар» аз маркази матбуоти Вазорати тандурустии Ҷумҳурии Тоҷикистон хабар доданд.