Нафти истихроҷшуда коркард мешавад

Душанбе, 12 октябр. (АМИТ «Ховар», Дилшодаи Хайруллоҳ)- Дар нуҳ моҳи соли ҷорӣ аз 22377 тонна нафти истеҳсолшуда 19181,8 тонна (85,7%) дар заводҳои нафтии ватанӣ ҶММ «Шоҳон», ҶСП «Ҳасан ва К», ҶММ «Салоса», ҶММ «Ҷалолӣ», ҶДММ «Нафти Темурмалик», ҶДММ «ТИЕНГ-МА», ҶДММ «ДОН-ФАН» ва ҶДММ «Абадӣ» коркард шуда, аз ҷумла бензин–776,1 тонна, сӯзишвории дизелӣ — 3715,2 тонна, мазут – 8337,6 тонна, битум барои сохтмон (БНД 60/90)– 90,6тонна, битум барои роҳсозӣ (МГ 40/70) –1424,0 тонна истеҳсол карда шуд. Тибқи иттилои котиботи Вазорати энергетика ва саноат аз аввали сол то 30.09.2012 ба Маркази барқу гармидиҳии ш. Душанбе, тибқи шартнома ҶММ «Шоҳон» — 396,9 тонна., ҶСП «Ҳасан ва К» — 858,9 тн. ва ҶДММ «Нафти Темурмалик» — 239,5 тонна. мазут интиқол дода шуд. Дар маҷмуъ мазути интиқолдодашуда ба МБГ ш. Душанбе 1495,3 тоннаро ташкил медиҳад. Дар айни замон дар ҷумҳурӣ сохтмони ду корхонаи коркарди нафти хом, дар вилояти Суғд ва дар ноҳияи Шаҳринав бо иқтидорҳои коркарди 100 000 (НПЗ-100) тонна нафт дар як сол идома дорад.