Сафир ба Амири давлати Кувайт Эътимоднома супорид
Душанбе, 4 октябр. (АМИТ «Ховар», Мавҷуда Анварӣ). – 2 октябри соли 2012 Сафири Фавқулодда ва Мухтори Ҷумҳурии Тоҷикистон дар Давлати Кувайт (бо қароргоҳ дар Исломобод) Зубайдулло Зубайдов ба Амири давлати Кувайт Сабоҳ Ал Аҳмад Ал Ҷобир Ас Сабоҳ эътимоднома супорид.Баъд аз маросими супоридани эътимоднома Амири давлати Кувайт бо сафири Тоҷикистон сӯҳбат орост. Зимни сӯҳбат масъалаҳои инкишофи муносибатҳои дуҷонибаи Тоҷикистон ва Кувайт мавриди муҳокима қарор дода шуданд. Амир зикр кард, ки ҷониби Кувайт ба густариши ҳамкориҳо бо Тоҷикистон дар тамоми соҳаҳо, аз ҷумла сармоягузорӣ ба иқтисодиёти Тоҷикистон манфиатдор аст. Амир ба вазирон ва аъзои Девони Амирӣ, ки дар маросими супоридани эътимоднома ширкат доштанд, оид ба фаъол намудани корҳо дар самти тақвияти муносибатҳо бо Тоҷикистон супоришҳо дод. Сафир дар навбати худ манфиатдории Тоҷикистонро ба вусъати муносибатҳои дуҷониба бо давлати Кувайт таъкид кард.Дар ин бора аз Вазорати корҳои хориҷии кишвар ба АМИТ «Ховар» иттилоъ доданд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
