Вазъи муассисаҳои фарҳангӣ ва тарбияи маънавии мардум

Бадахшон, 8 октябр. (АМИТ «Ховар», Л. Додо).- Дар давоми солҳои соҳибистиқлолии кишвар дар ВМКБ аз ҷониби Ҳукумати ҷумҳурӣ баҳри рущди соҳаи фарҳанг тадбирҳои амалӣ роҳандозӣ шуданд. Бунёду навсозии қасрҳои фарҳангӣ дар маркази шаҳру навоҳӣ ва деҳоти дурдаст, дар сатҳи баланд ба роҳ мондани фаъолияти муассисаҳои соҳаи фарҳанг аз ҷумлаи ин тадбирҳоянд.Навсозии бинои театри мусиқию мазҳакавии шаҳри Хоруғро аҳли фарҳанги вилоят аз муҳимтарин дастовардҳои даврони соҳибистиқлолӣ меҳисобанд. Тавре ки муовини директори театр Чорибшо Ноёббоев иттилоъ доданд, имрӯзҳо аҳли эҷодии театр бо мақсади истиқболи арзандаи солгарди 20-уми Иҷлосияи 16-уми Шӯрои Олии ҶТ барномаи ҷолиби ҳунарии «Иҷлосияи тақдирсоз»-ро омода менамояд. Дар баробари ин ҳунармандони театр намоишномаҳоро аз рӯи асарҳои драманависони маъруф таҳия ва пешкаши мухлисон мегардонанд.