Як шабонарўз интиқоли об қатъ мегардад

Душанбе, 8 октябр.(АМИТ «Ховар», Марзия Саидова).- Бо мақсади гузаронидани корҳои таъмирию профилактикии шабакаҳои обтаъминкунии Корхонаи воҳиди давлатии «Обу корези Душанбе» муддати як шабонарўз аз соати 23:00 –и 10 октябр то соати 23:00 –и 11 октябр интиқоли оби нўшокӣ дар бархе аз кўчаю маҳаллаҳои пойтахт қатъ мешавад.Дар ин хусус раиси шаҳрдории Душабе қарори марбута ба тасвиб расонд. Дар зарфи як шабонарўз интиқоли оби нўшокӣ дар маҳаллаҳои Чашмасор, Амиршоев, Заҳматобод, Саҳбо, Телман, Анзоб, Гулистон, Умари Хайём ва Сари Осиё, кӯчаҳои Пролетар, Гагарин, Сурхоб, Меҳнат, Карамов, Шевченко, Қаҳҳоров, Рӯдакӣ (аз буриши кӯчаи Хайём то кӯчаи Бухоро), М.Турсунзода, Шероз, Шотемур, Ф.Ниёзӣ, И.Сомонӣ, А.Командир, М. Холов, Л.Шералӣ, Ғ.Абдулло, Л.Толстой, Парвин, Пушкин, Теҳрон, биноҳои баландошёнаи хиёбони Рӯдакӣ аз шумораи 164 то 186-и ноҳияи Исмоили Сомонӣ, маҳаллаҳои Н.Муҳаммад, Қӯрғон, Хоруғ, Помир ва Баҳорӣ, кӯчаҳои Дӯстии халқҳо, А.Дониш, Истаравшан, Ҳусейнзода, Мичурин, А.Раҷабовҳо ва Айнӣ аз хонаи 1 то 77;-и ноҳияи Шоҳмансур қатъ мегардад. Ҳамзамон интиқоли оби нўшокӣ дар маҳаллаҳои Меҳробод, Мирсаид Алии Ҳамадонӣ, Навободи боло, Навободи поён, Буни Ҳисорак, Қазоқон, Қарияи Миршикор ва Муҳандис, шаҳракҳои 82, 91, 92, 101, 102, 112, Испечак 1, 2 ва Зарафшон 1, 2, Шараф, Ал-Берунӣ –и ноҳияи Сино, Беморхонаи клиникии ҷумҳуриявии №3 ба номи Дяков, Боғи ҳайвоноти шаҳрӣ, Варзишгоҳи марказӣ, маҳаллаи Дарвоз, кўчаи Қаҳҳоров ва шаҳракҳои 41, 42, 43, 44, 45 ва 46 –и ноҳияи Фирдавсӣ, инчунин Маркази истеҳсоли барқу гармии шаҳри Душанбе, ки дар ин ноҳия воқеъ аст, қатъ мешавад. Дар робита ба ин аз сокинони маҳаллаю кӯчаҳои мазкур хоҳиш мешавад, ки миқдори зарурии оби нӯшокиро барои як шабонарӯз захира намоянд.