Ҷалби маблағ дар соҳаи маориф

Душанбе, 19 ноябр. (АМИТ «Ховар», Лаззат Диловарзод).- Бино ба гуфти раиси ноҳияи Айнӣ Рустам Раҳматов, дар панҷ соли охир бо ҷалби маблағҳои дохилӣ ва сармояи хориҷӣ корҳои зиёд анҷом дода шуд.Аз ҳисоби ҳамаи сарчашмаҳои маблағгузор дар 5 соли охир ҳамасола аз 39 то 247 млн. сомонӣ аз худ шудааст.Ба иттилои манбаъ, дар давраи истиқлолият аз ҳисоби маблағҳои ҷудо намудаи Ҳукумати ҷумҳурӣ дар даҳ деҳаи ноҳия барои 180 то 620 хонанда мактабҳои наву замонавӣ сохта, ба истифода дода шуданд.Аз ҳисоби маблағҳои Вазорати маорифи ҷумҳурӣ дар заминаи мактаби рақами 22 сохтмони мактаб-интернат барои хонандагони водии Яғноб ба нақша гирифта шудааст. Лоиҳаи сохтмони ин мактаб-интернат омода шудааст. Дар ноҳия аз хисоби маблағҳои буҷети мақомоти иҷроияи ҳокимияти давлатии вилояти Суғд сохтмони ду синфхонаи таълимӣ дар ҳудуди води Яғноб анҷом дода шуд.-«Истиқлолият симои ноҳияро ба тарзи шинохтанашаванда тағйир дод. Дар ин давра беш аз 480 иншооти таъиноти истеҳсолӣ ва иҷтимоӣ бунёд ва мавриди истифода қарор гирифтанд»,- афзуд раиси ноҳияи Айнӣ.