Ҷамъомади идона

Душанбе, 5 ноябр. (АМИТ «Ховар», Дилшодаи Хайруллоҳ). – Бахшида ба Рӯзи Конститутсия (Сарқонун)-и Тоҷикистон дар Вазорати энергетика ва саноати Ҷумҳурии Тоҷикистон ҷамъомади тантанавӣ баргузор гардид. Муовини вазири энергетика ва саноати кишвар З. Қ. Файзуллоев иштирокчиёни ҷамъомадро бо Рӯзи Сарқонуни Ҷумҳурии Тоҷикистон табрик намуда, изҳори итминон кард, ки кормандони вазорат, корхонаву муассисаҳои соҳавӣ ҷиҳати татбиқи Сарқонун дар фаъолият ва ҳаёти рӯзмарраи худ ва аз ин тариқ баҳри баланд бардоштани нишондиҳандаҳои истеҳсолӣ, рушди соҳаҳои иқтисодиёти кишвар ва баланд бардоштани сатҳи некӯаҳволии мардуми кишвар саҳм хоҳанд гузошт.Иштирокчиён атрофи мавзӯи «Сарқонун-заминаи ҳуқуқии рушди давлатдорӣ» дар бораи арзишҳо ва муқаддасоти миллию давлатӣ, моҳият и як қатор моддаҳои Конститутсияи ҷумҳурӣ ибрози назар намуданд.Аз ҷумла, зикр гардид, ки Сарқонун- чун сарчашмаи қонунгузории миллӣ ва давлати мо паҳлуҳои асосии ҳаёти ҷомеаро фаро гирифта, эътибори ҳуқуқӣ дорад ва меъёрҳои он мустақиман амал намуда, давлат ҳамаи мақомоти он, шахсони мансабдор, шахрвандон ва иттиҳодияҳои онҳо вазифадоранд, ки Сарқонун ва қонунҳои ҷумҳуриро риоя ва иҷро намоянд. Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.