7 ноябр — Рӯзи театри тоҷик

Душанбе, 8 ноябр. (АМИТ «Ховар», Людмила Дубинина). – 7 ноябр дар Театри давлатии ҷавонони Тоҷикистон ба номи Маҳмудҷон Воҳидов бахшида ба Рӯзи театри тоҷик чорабинии фарҳангӣ баргузор гардид. Вазири фарҳанги ҶТ Мирзошоҳрух Асрорӣ ва раиси Иттифоқи ходимони театрии Тоҷикистон Сӯҳроб Мирзоев дар ҳузури эҷодкорон ва кормандону собиқадорони театрҳо суханронӣ карданд. Баъди маросими ботантана бо иштироки ҳамаи дастаҳои театрҳои драмавии шаҳрҳои Душанбе, Қӯрғонтеппа, Хуҷанд, Данғара ва ғайра консерти идона баргузор гардид. Ба ифтихори Рӯзи театри тоҷик аз номи Вазорати фарҳанг ба бисёр кормандон, собиқадорон, ҳунарпешагон ва коргардонҳо ифтихорномаҳо, нишони фахрии «Аълочии фарҳанги Тоҷикистон» ва тӯҳфаҳои қиматбаҳо тақдим шуданд.Дар ин бора аз Вазоррати фарҳанги ҶТ ба АМИТ «Ховар» хабар доданд.