Барномаи идона такмили ҷиддӣ мехоҳад

Хоруғ, 3 ноябр. (АМИТ «Ховар», Л.Додо ). – Ба ифтихори таҷлили 80 – солагии шаҳри Хоруғ машварати васеи назди раиси вилоят доир шуд. Қодири Қосим, раиси ВМКБ аз ҷараёни омодагиҳо ба ҷашни 80 – солагии таъсиси шаҳри Хоруғ шадидан интиқод карда гуфт, ки имрӯз омодагиҳо ба ин ҷашн дар сатҳи паст қарор доранд. Ба гуфтаи ин манбаъ барномаи махсуси таҳиягардидаи идона ҳанӯз такмили ҷиддӣ мехоҳад, зеро қисмати зиёди дохили он такрори истиқболи ҷашнҳои даврони хоси Шӯравӣ буда, дар кори ин барнома навоварии хосса нест. Раиси вилоят афзуд, ки хуб мешуд дар чаҳорчӯби омодагиҳо ба ҷашни 80 – солагии шаҳри Хоруғ аз ҳисоби адибону олимон ва собиқадорони меҳнат як гуруҳи махсус ташкил шавад.