Бунёди манзил аз буҷаи вилоят

 Душанбе, 9 ноябр. (АМИТ «Ховар», Лаззат Диловарзод).- Дар давраи соҳибистиқлолии кишвар дар шаҳри Кӯлоб иншооти зиёд ба истифода дода шуд. Соли ҷорӣ бори аввал дар яке аз маҳаллаҳои шаҳр аз буҷаи вилоят ба маблағи 7, 2 млн. сомонӣ бунёди манзили истиқоматӣ ба нақша гирифта шудааст.Бино ба иттилои муовини раиси шаҳри Кӯлоб Озодӣ Ҳасанов, шаҳрдорӣ ба сохтмони манзили истиқомати таваҷҷуҳи хосса зоҳир менамояд. Танҳо дар соли 2011 дар қаламрави шаҳр ва атрофи он ҳазорон манзили истиқоматӣ бунёд гардид. Ҳамчунин дар 11 маҳаллаи шаҳр 1677 бинои истикоматӣ, 8 иншооти таъиноти истеҳсолӣ, 7 иншоот дар соҳаи маориф, 9 иншоот дар бахши тандурустӣ ва 11 бинои маъмурӣ бунёд гардид. Қарор аст, ки роҳҳои мошингарди минтақаи Кӯлоб низ таъмир ва азнавсозӣ гарданд. Дар айни замон барои сохтмони роҳи мошингарди Балчувон-Сарихосор 500 ҳазор сомонӣ маблағ ҷудо гардидааст.