Фурӯши ангишт- 400 ҳазор тонна

Душанбе, 5 ноябр . (АМИТ «Ховар», Дилшодаи Хайруллоҳ). — Корхонаҳои соҳаи ангишт дар ҷамъбасти 10 моҳи соли ҷорӣ истихроҷи ангиштро дар ҷумҳурӣ ба 371, 5 ҳазор тонна расониданд, ки ин нисбат ба соли 1991, 62,5 ҳазор тонна ва нисбат ба ҳамин давраи соли сипаригардида 157,5 ҳазор тонна зиёд мебошад. Бояд қайд намуд, ки соли 1991 дар ҷумҳурӣ ба миқдори 309 ҳазор тонна ангишт дар як сол истихроҷ гардида буд.Фурӯши ангишт бо назардошти бақияи солҳои пешин дар якҷоягӣ бо воридот дар ҷумҳурӣ зиёда аз 400 ҳазор тоннаро ташкил дод, ки нисбат ба ҳамин давраи соли сипаригардида 180,6 ҳазор тонна зиёд мебошад.Фурӯши ангишт дар давраи ҳисоботӣ, махсусан аз ҳисоби сард омадани давраи тирамоҳу зимистони солҳои 2011-2012 ва афзоиши талаботи корхонаҳои саноатӣ зиёд шуд.Захираи ангишт дар анборҳои корхонаҳои соҳаи ангишт ва нуқтаҳои фурӯш зиёда 34 ҳазор тоннаро ташкил дода, муштариён метавонанд аз ин нуқтаҳо ва анборҳо ангишт харанд.