Корхонаи коркарди меваю сабзавот

Шаҳринав, 5 ноябр. (АМИТ «Ховар», Ҳотам Рабиев).- Меваҳои шаҳдбори Тоҷикистон дар тамоми фаслҳои сол барои организми инсон ғизои зарурианд. Кормандони корхонаи «Шараф» -и ноҳияи Шаҳринав, ки асосан ба коркарди меваю сабзавот машғуланд, имсол ба комёбии калон ноил гардиданд. Онҳо то имрўз беш аз як миллион қуттии шартӣ консерваҳои хушсифат истеҳсол карданд, ки нисбат ба порсола чанд маротиба зиёд аст. Тавре ки роҳбари корхона Ислом Назаров иброз дошт, коргарони корхона дар як рўз 4 тоннаю 300 килограмм бодирингро коркард мекунанд, ки он баробари 4800 банкаи шартӣ мебошад.Роҳбарияти корхона бо хоҷагиҳои деҳқонии ноҳияҳои Шаҳринав, Турсунзода, Ҳисор, Ваҳдат, Рўдакӣ ва хоҷагиҳои ҷангал шартнома бастааст, то ки эҳтиёҷоти корхонаро сари вақт таъмин созанд.