Лоиҳаи идораи партовҳои сахти маишӣ

Хуҷанд, 1 ноябр. (АМИТ «Ховар», Мирзалӣ Амонов).-Ҳукумати шаҳри Хуҷанд бо дастгирии Ҳукумати Ҷумҳурии Тоҷикистон оид ба идораи партовҳои сахти маишӣ бо Бонки таҷдид ва рушди Аврупо ҳамкориро ба роҳ монд. Мувофиқи ин ҳамкорӣ лоиҳаи идораи партовҳои сахти маишӣ тартиб дода шуд. Арзиши умумии лоиҳа баробари 5,9 миллион доллари Амрикост ва 2,5 миллион доллари он грант ва 2,5 миллион доллари дигар аз ҷониби бонк маблағгузорӣ мешавад. Лоиҳа 2,5 сол, яъне то 31 – уми марти соли 2015 идома меёбад ва тибқи лоиҳа харидории 25 адад нақлиёту таҷҳизоти партовбарорӣ ва 600 адад қуттии вобаста ба навъи партов, ҳамчунин коркарди партовҳои сахти маишӣ дар дохили кишвар пешбинӣ шудааст.