Муаррифии маҳсулоти Беларус

Душанбе, 15 ноябр. (АМИТ «Ховар»). – 14 ноябр дар шаҳри Душанбе маросими муаррифии маҳсулоти «Корхонаи воҳиди ҷумҳуриявии Минск ба номи В.Козлов» баргузор гардид. Тавре ки аз Сафорати Беларус дар Тоҷикистон хабар доданд, дар ҳошияи маросими муаррифӣ филме дар бораи фаъолияти корхонаи мазкур намоиш дода, сипас мутахассиси пешбурди шӯъбаи маркетинг ва савдо Д.Казюкевич ва сардори бюрои шӯъбаи конструктории зеристгоҳҳои трансформаторӣ А.Василев сухан карданд.Ҷониби Тоҷикистон ба маҳсулоти корхонаи мазкур ва хусусиятҳои техникии он, ҳамчунин ба имкониятҳои тавлиди таҷҳизоти сарфакунандаи барқ мароқ зоҳир намуд. Дар маросим Сафири Ҷумҳурии Беларус дар Ҷумҳурии Тоҷикистон О.Гаврук, муовини аввали раиси Ширкати саҳҳомии холдингии кушодаи «Барқи тоҷик» Б.Азимов ва дигарон ширкат доштанд. Беш аз 30 нафар намояндагони ташкилотҳои махсуси Ширкати «Барқи тоҷик» ва Вазорати мелиоратсия ва захираҳои оби Ҷумҳурии Тоҷикистон низ маҳсулоти худро ба маърази намоиш гузоштанд.