Пешниҳоди ҷойҳои холии корӣ дар Душанбе
Душанбе , 23 ноябр. (АМИТ «Ховар» Зарангез Латифова).- Имрӯз дар бинои Сирки давлатии Тоҷикистон ярмаркаи ҷумҳуриявии ҷойҳои кории холӣ ва вазифаҳои озод баргузор гардид. Ҳадафи асосии ярмарка таъмини шаҳрвандон бо чойи кори доимӣ ва муваққатӣ мебошад. Ба иттилои сардори Раёсати Агентии ҳифзи ичтимоии шуғли аҳолӣ ва муҳоҷирати ноҳияи Фирдавсӣ Абдухолиқ Олимов, имрӯз дар ярмаркаи навбатии ҷумҳуриявӣ аз чор ноҳияи шаҳри Душанбе намояндагони зиёда аз 100 корхона бо пешниҳоди 1780 чойи кори холӣ даъват шуда буданд. Ҷойҳои кории холӣ асосан дар соҳаҳои саноат, сохтмон, тандурустӣ, коммуналӣ ва дигар соҳаҳои муҳими иқтисодӣ пешниҳод гардиданд. Зикр гардид, ки музди миёнаи маоше, ки корхонаҳои чор ноҳияи ш.Душанбе пешниҳод кардаанд, ба 450 сомонӣ мерасад, аммо ҳастанд корхонаҳое , ки сатҳи маоши онҳо баланд аст, яъне дар сохтмон зиёда аз 729 сомонӣ ва дар саноат қариб 480 сомониро ташкил медиҳад. Ба шаҳрвандоне, ки касбу кори мувофиқ наёфтанд, аз тариқи чор маркази таълимии шаҳри Душанбе барои ёфтани касби мувофиқ роҳхат дода шуд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
