Сабти барнома дар мавриди вазъи маводи нашъаовар
Душанбе, 1 ноябр. (АМИТ «Ховар», Лутфия Эшонқулова). – Намояндагии ширкати «Бритиш Бродкастинг Корпорейшн ВВС» дар Ҷумҳурии Тоҷикистон барномаеро сабт намуд, ки аз вазъи маводи нашъаовар дар Тоҷикистон нақл мекунад. Хабарнигорони хадамоти навигариҳои шабакаи зикршудаи радио аз Тоҷикистон боздид намуда, бо кори Агентии назорати маводи нашъаовари назди Президенти ҶТ шинос шуданд. Директори Агентии маводи нашъаовар Рустам Назаров бо хоҳиши намояндагии шабакаи мазкур бо хабарнигори «Бритиш Бродкастинг Корпорейшн» сӯҳбат намуд.Рустам Назаров зимни сӯҳбат аз вазъи маводи нашъаовар дар Тоҷикистону Афғонистон, ҳамчунин дар минтақаи Осиёи Марказӣ, дар мавриди мақоми Ҷумҳурии Тоҷикистон дар низоми байналмилалии мубориза бо маводи нашъаовар ва дурнамои вазъияти минтақа баъди соли 2014 аз Ҷумҳурии Исломии Афғонистон хориҷ шудани қувваҳои эътилоф нақл кард.Роҳбари Агентии маводи нашъаовар зикр намуд, ки Тоҷикистон дар амри ташкили мубориза бо маводи нашъаовари Афғонистон кишвари асосӣ буд ва мебошад. Рустам Назаров ба масъалаи ҳамкории хадамоти махсуси давлатамон дар ин самт дахл карда, зикр намуд, ки ин ҳамкорӣ сол аз сол рушду густариш меёбад.Дар ин бора аз маркази матбуоти Агентии назорати маводи нашъаовар ба АМИТ «Ховар» хабар доданд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
