Ситораҳо дар фурудгоҳ чӣ кор мекунанд?
Душанбе, 1 ноябр. (АМИТ «Ховар», Саидэҳсони Солеҳ).- Роҳбарияти «Фурудгоҳи байналмилалии Душанбе» мегӯянд, ки нисбат ба намояндагони васоити ахбори омма, ташкилоту муассисаҳои фарҳангӣ ва муроҷиаткунандагони инфиродӣ бобати суратгирию наворбардорӣ дар ҳудуди фурудгоҳ шароит фароҳам овардаанд. Тибқи иттилои Муҳаммадюсуфи Шодӣ, сухангӯи ин ниҳод, коргардон Баҳриддин Раҷабов тасмим гирифтааст, ки бо иштироки ситораҳои эстрадаи тоҷик шоу барномаеро рўи навор орад. Аз рўи сенария, наворгирӣ дар саҳни фурудгоҳ ва дохили ҳавопаймо бояд сурат гирад. Аз ин хотир фурудгоҳ ва Ширкати ҳавопаймоии «Тоҷик Эйр» ба ҳунармандон бо қаноатмандӣ шароит фароҳам овардаанд. Продюссери барнома Мунира Ҳакимова гуфтааст: «Дар барномаи «Парвози баланд» ситораҳои шинохтаи эстрадаи кишвар иштирок менамоянд. Барнома моҳи декабр аввал дар «Кохи Борбад» ва баъдан аз тариқи телевизиони «Сафина» намоиш дода мешавад. Баҳром Ғафурӣ, Шаҳроми Абубакр, Нигина Амонқулова, Суруш, Меҳрнигори Рустам, Афзалшоҳи Шодӣ, Ҳаётой Муъминова, Сурайё Қосимова ва чанде дигарон ҳунармандоне буданд, ки дирўз дар наворгирӣ ширкат доштанд».
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
