Таҳсили кормандони мақомоти ҳифзи ҳуқуқ
Душанбе, 12 ноябр. (АМИТ «Ховар», Лутфия Эшонқулова ). – Имрӯз, 12 ноябр, дар Маркази миллии таълимии сагшиносӣ, ки дар заминаи хадамоти сагшиносии Агентии назорати маводи нашъаовари назди Президенти ҶТ бунёд шудааст, тренинги якуми сагшиносони мақомоти ҳифзи ҳуқуқи Тоҷикистон оғоз ёфт.Тавре ки аз Агентии назорати маводи нашъаовари назди Президенти ҶТ ба АМИТ «Ховар» хабар доданд, дар маросими оғози тренинг роҳбарони Вазорати корҳои дохилӣ, қӯшунҳои сарҳадии Кумитаи давлатии амнияти миллии ҶТ, Хадамоти гумрукӣ, намояндагони сафоратҳо ва ташкилотҳои байналмилалии муқими Тоҷикистон ширкат доштанд.Иштирокдорони тренинг хусусияти анатомию физиологии сагон, принсипу қоидаҳои асосии нигоҳубин, ҷилавгирии беморӣ ва расонидани ёрии таъҷилӣ ҳангоми дучори ҳодисаҳои фалокатовар шудани сагони хизматрасонро баррасӣ менамоянд.Курсҳоро сагшиносони Агентии назорати маводи нашъаовар роҳандозӣ мекунанд. Ташкил ва рӯи кор овардани курсҳоро намояндагии минтақавии Раёсати СММ оид ба маводи нашъаовар ва ҷинояткорӣ дар Осиёи Марказӣ ҷонибдорӣ намуд. Тренинг то 23 ноябр давом мекунад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
