Театри тоҷик 84- сола шуд

Душанбе, 7 ноябр. (АМИТ «Ховар», Фирӯза Давлатова). –Дар Тоҷикистон 7-уми ноябр ҳамасола ҳамчун рӯзи Театри тоҷик ҷашн гирифта мешавад.Тавре ки аз Вазорати фарҳанги ҷумҳурӣ иттилоъ доданд, имрӯз ба ин муносибат дар Театри ҷавонони пойтахт чорабинӣ доир мегардад.Дар чорабинӣ Мирзошоҳрух Асрорӣ, вазири фарҳанги ҷумҳурӣ, ҳунармандон ва инчунин кормандони фарҳангу синамои кишвар иштирок мекунанд.Ёдовар мешавем, ки театри касби тоҷик соли 1924 таъсис ёфтааст. Аввалин дастаи театрии миллӣ дар назди маъмурияти «Хонаи деҳқон» соли 1927 бо роҳбарии Ҳаким Карим таъсис ёфт, ки «Кружоки мусиқию драмавӣ» ном дошт. 7 ноябри соли 1929 Театри давлатии драмаи тоҷик ба номи Лоҳутӣ дар шаҳри Душанбе таъсис гардид ва ин сана ҳамчун «Рӯзи театри тоҷик» таҷлил мешавад.Чеҳраҳои маъруфи театри тоҷик, ба мисли Муҳаммадҷон Қосимов, Маҳмудҷон Воҳидов, Ато Муҳаммадҷонов, Ҳошим Гадо, Сайрам Исоева ва дигарон кишварро ба ҷаҳониён муаррифӣ кардаанд. Шоми имрӯз дар Театри академии драмаи ба номи Лоҳутӣ «Шаби эҷодии Марям Исоева» баргузор мегардад.