Тўфони шадиди Сэнди дар ИМА

Душанбе, 1 ноябр. (АМИТ «Ховар»),- Ба иттилои Bi-Bi-Si News шумораи фавтидагони тўфони шадиди Сэнди дар ИМА торафт афзоиш меёбад. Аз рўи маълумоти расида, бар асари офати табиӣ 16 нафар ба ҳалокат расида, чанд каси дигар бо ҷароҳатҳои гуногун ба беморхона интиқол ёфтаанд. Ба гуфти ҳавошиносон тӯфони шадид эҳтимол чанд рӯзи дигар идома ёбад. Аз тӯфони Сэнди бештар шаҳри Ню-Йорк зарар дида ва он беш аз 8 миллион нафарро аз истифодаи нерўи барқ маҳрум кардааст. То ҳол маълум нест, ки нерўи барқ кай ба сокинон дода мешавад. Дар баробари тӯфони шадид ҳамчунин обхезӣ ба амал омад, ки бар асари он метро ва ошёнаи якуму дуюми биноҳо зери об монд. Гуфта мешавад, ки баландии сатҳи об беш аз чор метрро ташкил медиҳад. Чунин ҳолат давоми беш аз сад соли ахир бори аввал ба қайд гирифта мешавад. Метроҳои шаҳрӣ низ зери об монда, ҳаракати қатораҳои зеризаминӣ қатъ гардид. Фаъолияти нақлиёти шаҳри пурра манъ карда шудааст. Бар асари тӯфон дар ноҳияи Куинс 80 бинои истиқоматӣ сӯхта валангор шуд. Барои хомӯш кардани сӯхтор садҳо нафар оташнишонон сафарбар гардиданд. Президенти ИМА Барак Обама Ню-Юоркро минтақаи офатзада эълон кард. Ба ҳисоби коршиносон зарари тӯфони Сэнди дар ИМА ба 20 миллиард доллар рост меояд.  Тарҷумаи Иброҳими Ҳабибуллоҳ