Вохӯрии хонандагон бо муаллифони китобҳои дарсӣ

Душанбе, 8 ноябр. (АМИТ «Ховар»).- 7-уми ноябри соли ҷорӣ дар Осорхонаи маорифи Академияи таҳсилоти Тоҷикистон вохӯрии омӯзгорон ва хонандагони мактабҳои таҳсилоти миёнаи умумии рақамҳои 35, 65 ва литсейи рақами 55 ноҳияи Шоҳмансури шаҳри Душанбе бо муаллифони китобҳои дарсӣ ва олимони Академияи таҳсилоти Тоҷикистон Файзулло Шарифзода, Убайд Зубайдов, Тӯйчӣ Миров, Қодир Қодиров, Саидбой Шербоев, Хуррам Раҳимзода, Гурез Сафаров баргузор гардид. Мудири Осорхонаи маориф Саодат Ҳомидова омӯзгорону хонандагонро бо таърихи гузашта ва имрӯзаи маориф шинос намуда, олимону муаллифони китобҳои дарсиро муаррифӣ намуд. Ба саволҳои хонандагону омӯзгорон муаллифони китобҳои дарсӣ Файзулло Шарифзода, Убайд Зубайдов, Тӯйчӣ Миров, Хуррам Раҳимзода ва Қодир Қодиров ҷавоб доданд.Вохӯриро ноиби президенти Академияи таҳсилоти Тоҷикистон, Қодир Қодиров ҷамъбаст намуд.