593 ҳазору 846 нафақагир дар Тоҷикистон

Душанбе, 17 декабр. (АМИТ «Ховар», Покиза Маҳмадбекова). — Зиёда аз 177 ҳазору 291 нафар нафақагири 14 шаҳру ноҳияҳои ҷумҳурӣ таввассути кортҳои пластикӣ нафақаи худро дастрас менамоянд.  Аз рӯи иттилои Агентии давлатии суғуртаи иҷтимоӣ ва нафақаи Вазорати меҳнат ва ҳифзи иҷтимоии аҳолии ҶТ , ҳаҷми маблағи пардохтшуда ба ҳолати якуми сентябри соли равон 38 млн. 436 ҳазору 897сомониро ташкил намуд. Дар назар аст, ки то семоҳаи аввали соли 2013 дар пардохти нафақаи 79 ҳазору 880 нафақагири ш. Қайроқум, Роғун. Сарбанд, Чкалов, инчунин ноҳияҳои Ҳисор, Рашт, Данғара, Хуросон, Бохтар, Ҷилликул ва Ванҷ тартиби нави хизматрасонӣ ба роҳ монда мешаванд. Аз рӯи иттилои манбаъ, то якуми ноябри соли равон теъдоди асноди ҷамъоваригардида ва омодашудаи нафақагирон 70 ҳазору 946 ададро ташкил дод, ки аз он 38 ҳазору 206 адад ба компютер ворид карда шудааст. Ба ҳолати 1 декабри соли 2012 шумораи умумии нафақагирон дар ҷумҳурӣ 593 ҳазору 846 нафарро ташкил намуд.