Э. Раҳмон: «Ҳукумат барои беҳдошти зиндагии мардум ҷаҳд мекунад»
Душанбе, 11 декабр. (АМИТ «Ховар», Дилшодаи Хайруллоҳ, Афшини Муқим)- «Дар шароити ҳассоси замони муосир, сиёсати давлат ба беҳтар намудани сифати зиндагии аҳолӣ, паст кардани сатҳи камбизоатӣ ва таъмини ҳифзи иҷтимоии аҳолӣ нигаронида шуда, барои ноил гардидан ба истиқлолияти энергетикӣ, таъмини амнияти озуқаворӣ ва рушди инфраструктураи коммуникатсионӣ равона шудааст» — зикр намуд Президенти Ҷумҳурии Тоҷикистон Эмомалӣ Раҳмон дар ҷаласаи Шӯрои миллии рушди назди Президенти Ҷумҳурии Тоҷикитсон ва Форуми рушди Тоҷикистон.
Дар ҷаласа, ҳамчунин муовини Котиби генералии Созмони Милали Муттаҳид, Раиси раёсати минтақавии барномаи рушди СММ дар кишварҳои Аврупо ва ИДМ Ҷаҳан Султоноғлу, Ноиби Президенти Оҷонсии Ҷопон оид ба рушди байналмилалии Киёши Кодеро суханронӣ намуданд.
Шарикони рушд пешравиҳои назаррасро дар фаъолияти Ҳукумати ҶТ оид ба эътидол овардани вазъи макроиқтисодӣ ва таъмини рушд эътироф намуда, ба он баҳои мусбат доданд. Қайд шуд, ки ҳамкориҳои устуворро ҷиҳати тақвият бахшидан ба раванди иқтисодиёти Тоҷикистон идома хоҳанд дод. Ҳамчунин оид ба натиҷаҳои ноилгардидаи Ҳукумати ҶТ дар доираи Стратегияи миллии рушд ва Стратегияи паст кардани сатҳи камбизоатӣ барои солҳои 2010-2012 мушовири давлатии Президенти Ҷумҳурии Тоҷикистон оид ба сиёсати иқтисодӣ Фаррух Ҳамралиев, дар бораи Стратегияи баланд бардоштани сатҳи некӯаҳволии мардуми Тоҷикистон барои солҳои 2013-2015 — Вазири рушди иқтисод ва савдои ҶТ Шариф Раҳимзода ва роҷеъ ба саҳми шарикони рушд дар татбиқи афзалиятҳои асосии Тоҷикистон Раиси Шӯрои ҳамоҳангсозии шарикони рушд Марша Олив ва муовини ӯ Стефан Эрбер гузориш доданд.
Зимни муҳокимарониҳо зикр шуд, ки Ҳукумати Ҷумҳурии Тоҷикистон дар навбати худ саҳми шарикони рушдро дар густариши иқтисоди миллӣ, идомаи ҳамкориҳои самарабахш ва муносибатҳои ҳамшарикӣ қадр мекунад. Натиҷаи муҳокимарониҳо дар ин ҷаласа бори дигар омодагии шарикони рушд ва саҳми онҳоро ҷиҳати татбиқи афзалиятҳои миллии кишвар нишон дод.
Президенти Ҷумҳурии Тоҷикистон Эмомалӣ Раҳмон дар суханронии ҷамъбастии худ зикр кард, ки Ҳукумати ҶТ сиёсати ислоҳоти иқтисодиро ҳамоно идома дода, ҷиҳати ноил шудан ба афзалиятҳои миллӣ, ҳадафҳои стратегӣ ва таъмини беҳдошти сатҳи зиндагии мардуми кишвар чораҳои зарурӣ меандешад.
ҚУРБИ АСЪОР: 1 рубли русӣ аз 0.1190 то 0.1223 сомонӣ муқаррар шудааст
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
«ТОҶИКОНА МЕПӮШЕМ!». Донишҷӯён ва кормандони Академияи идоракунии давлатӣ фарҳанги либоспӯшии миллиро тарғиб менамоянд
Дар Коллеҷи техникию омӯзгории ноҳияи Рӯдакӣ шаҳрвандон барномаҳои компютерӣ меомӯзанд
КИРМАКПАРВАРӢ. Сокини ноҳияи Ҷайҳун ҳамасола аз 100 то 110 килограмм пилла месупорад
Имрӯз дар Душанбе ҳаво то 22 дараҷа гарм мешавад
Судяҳои Тоҷикистон дар Остона дар конфронси байналмилалӣ иштирок намуданд
Дар Душанбе ҷаласаи Шурои ҳамоҳангсозӣ бо донорҳо ва шарикони рушд дар соҳаи меҳнат, муҳоҷират ва шуғли аҳолӣ баргузор шуд
«САҲМИ МАН ДАР ШАҲРИ МАН». Имрӯз бахшида ба Рӯзи пойтахт иқдоми шаҳрӣ доир карда мешавад
Имрӯз дар Тоҷикистон бориши борон дар назар аст
Имрӯз дар Душанбе ҳаво то 22 дараҷа гарм мешавад
Дар Тоҷикистон Форуми амниятии Осиёи Марказӣ баргузор мегардад
