Имрўз барои Тоҷикистон рўзи таърихист

Душанбе, 10 декабр.(АМИТ «Ховар», Марзия Саидова).- Имрўз барои Ҷумҳурии Тоҷикистон рўзи таърихист. Интизор меравад, ки 10 декабр дар ҷаласаи Шўрои генералии Созмони Ҷаҳонии Тиҷорат, ки қароргоҳаш шаҳри Женеваи Швейтсария аст, маросими ҳамроҳшавии Ҷумҳурии Тоҷикистон ба Созмони Ҷаҳонии Тиҷорат барпо мегардад, ки дар он Президенти Ҷумҳурии Тоҷикистон Эмомалӣ Раҳмон иштирок ва саханронӣ менамояд.Бояд тазаккур дод, ки дар маросими ҳамроҳшавии Ҷумҳурии Тоҷикистон ба ин созмони бонуфузи байналмилалӣ, намояндагони кишварҳои аъзои ин созмон, давлатҳои нозир ва созмонҳои байналмилалӣ ширкат менамоянд.Созмони Ҷаҳонии Тиҷорат, ки ба ҳайати худ 157 кишвари ҷаҳонро пазируфтааст, соли 1995 бо мақсади танзими сиёсати муносибатҳои кишварҳои ҷаҳон дар самти савдои байналмилалӣ созмон дода шудааст. Ҷумҳурии Тоҷикистон бо ҳадафи узвият ба ин созмони муътабари ҷаҳонӣ соли 2001 ба унвони ин созмон санади расмӣ ирсол намуда буд. Аз соли 2001 то инҷониб Тоҷикистон ҳамчун кишвари нозир дар ҷаласаҳои Созмони Ҷаҳонии Тиҷорат иштироки фаъолона дошт.