Муҳоҷирони меҳнатӣ бояд забондонии худро тасдиқ намоянд

Душанбе, 3 декабр. (АМИТ «Ховар», Ибодат Давлатова).- Аз 1 декабри 2012 мутобиқи тағйироти нав дар Қонунҳои федералӣ «Оид ба низомномаи ҳуқуқии шаҳрвандони хориҷӣ дар ФР» ва «Оид ба таҳсилот», шаҳрвандони хориҷӣ аз кишварҳое, ки бо ФР низоми бераводид муқаррар карданд, ҳангоми кор кардан дар соҳаҳои хоҷагии манзилию коммуналӣ, савдои чакана ва хизматрасонӣ боямуҳовара ( 800 калима) пешниҳод намоянд.Тавре ки ба мухбири АМИТ «Ховар» аз маркази матбуоти Хадамоти муҳоҷират иттилоъ доданд, аз рӯи талаботи нав ба муҳоҷироне, ки ин сертификат ва ё ҳуҷҷате аз ҷониби ниҳодҳои марбутаи Русия эътирофшавандаро пешниҳод намекунанд, ба расмиятдарории иҷозатномаи кор имконнопазир мешавад. Мутобиқи иттилои Маркази матбуоти ХФМ Русия дар айни замон дар ҳудуди федератсия 4 маркази базавӣ: Донишгоҳи дӯстии халқҳои Русия (РУДН), Донишкадаи забони русӣ ба номи Пушкин, Донишгоҳҳои давлатии Маскав ва Санкт-Петербург ва дар заминаи онҳо шабакаи марказҳои тестгузаронӣ дар дохил ва хориҷи кишвар фаъолият мекунад.Ғайр аз ин барои муҳоҷирон дар ФР 238 курс (53 тояш ройгон) ифтитоҳ шудааст. Ин талабот ба шаҳрвандоне,ки дар кишварҳояшон забони русӣ мақоми давлатӣ дорад, ҳамчунин ба мутахассисони соҳибмалака дахл намекунад. Ин дигаргуниҳо ба муҳоҷирони меҳнатӣ- шаҳрвандони ҶТ низ, ки мехоҳанд дар ФР дар соҳаҳои мазкур фаъолияти меҳнатӣ дошта бошанд, тааллуқ дорад. Бояд қайд намуд, ки омӯзиши забони русӣ дар макотиби таҳсилоти ҳамагонӣ, муассисаҳои олии таҳсилот ба роҳ монда шудааст. Ҳамчунин дар назди шуъбаҳои ноҳиявии Вазорати меҳнат ва ҳифзи иҷтимоии аҳолии ҶТ барои муҳоҷирони меҳнатӣ пайваста курсҳои кӯтоҳмуддати забони русӣ ройгон ташкил мешавад.