Мубориза ба муқобили хариду фурӯши одамон
Душанбе, 20 декабр. (АМИТ «Ховар», Ибодат Давлатова).-Имрӯз дар Дафтари амният ва ҳамкорӣ дар Аврупо ҷаласаи навбатии Комиссияи байниидоравии мубориза ба муқобили хариду фурӯши одамон ва даври ҳаштуми Муколама дар мавpӯи мубориза ба муқобили хариду фурӯши одамон доир гардид.Дар ҷаласа фаъолияти Комиссияи байниидоравӣ дар соли 2012 ҷамъбаст гардид. Дар робита ба ин маълумоти раиси Комиссияи байниидоравӣ, мудири шуъбаи мудофиа ва тартиботи ҳуқуқии Дастгоҳи иҷроияи Президенти ҶТ Абдусаттор Раҷабов оид ба натиҷаи фаъолияти комиссия дар соли 2012 ва ҳисоботи роҳбарони гурӯҳҳои кори Комиссия, муовини аввали Прокурори генералӣ, муовини вазири маориф, муовини вазири меҳнат ва ҳифзи иҷтимоии аҳолӣ ва муовини раиси Кумитаи ҷавонон шунида шуда, масъалаҳои ҳуқуқию ташкилии мубориза бо чунин зуҳуроти нангин мавриди баррасии амиқи иштирокчиён қарор гирифтанд.Қобили тазаккур аст, ки мубориза ба муқобили хариду фурӯши одамон дар маркази диққати роҳбарияти Давлату Ҳукумати Ҷумҳурии Тоҷикистон қарор дошта, дар айни замон дар қаламрави кишвар «Барномаи маҷмӯии мубориза ба муқобили хариду фурӯши одамон дар Ҷумҳурии Тоҷикистон барои солҳои 2011-2013» тадбиқ мегардад. Дар чорабинӣ намояндагони ташкилотҳои байналмилалӣ ва ғайриҳукуматӣ низ иштирок намуданд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
