Мулоқоти Ҳ.Зарифӣ бо Сафири Финляндия
Душанбе, 13 декабр. (АМИТ «Ховар», Пайрав Назаров). – 12 декабр дар шаҳри Душанбе мулоқоти вазири корҳои хориҷии Ҷумҳурии Тоҷикистон Ҳамрохон Зарифӣ бо Сафири Финляндия дар Тоҷикистон Туула Юрёла баргузор гардид. Ҳамрохон Зарифӣ зимни мулоқот ба ҷониби Финляндия барои ташкилу роҳандозии муваффақонаи сафари расмии Президенти кишвар Эмомалӣ Раҳмон ба шаҳри Хелсинки моҳи октябри соли равон изҳори миннатдорӣ кард. Ҷонибҳо аз вусъати ҳамкории тарафайн дар бахшҳои мухталиф, аз ҷумла дар соҳаҳои геология ва таҳкими сарҳадот изҳори қаноатмандӣ намуданд. Вазири корҳои хориҷии Тоҷикистон зарурати густариши муносибатҳои тиҷоратию иқтисодии ҳар ду кишварро ба таври махсус зикр намуд. Пешниҳод шуд, ки заминаи шартномавию ҳуқуқии муносибатҳои ҳар ду давлат, хусусан созишномаҳое, ки равобити тиҷоратиро танзим менамоянд, мустаҳкам карда шавад. Дар анҷоми мулоқот вазири корҳои хориҷии Тоҷикистон аз номи Ҳукумати кишвар ба ҷониби Финляндия барои дастгирии воридшавии Тоҷикистон ба Созмони Умумиҷаҳонии Савдо изҳори миннатдорӣ кард.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
