Нимпайкараи бузургони миллат дар Украина қомат хоҳад афрохт

Душанбе, 14 декабр.(АМИТ “Ховар”, Марзия Саидова).- Интизор меравад, ки моҳи марти соли 2013 дар шаҳри Душанбе Рўзҳои фарҳанги Украина гузаронида хоҳад шуд. Сафири фавқулодда ва мухтори Украина дар Тоҷикистон Виктор Никитюк зимни мулоқоташ бо Шукурҷон Зуҳуров-раиси Маҷлиси намояндагони Маҷлиси Олии ҷумҳурӣ гуфт, ки равобити фарҳангӣ миёни Душанбею Киев муаррифгари фарҳанг ва тамаддуни миллатҳои тоҷику украин аст. Мавсуф инчунин зикр кард: “Гузоштани нимпайкараи классики маъруфи украинӣ Тарас Шевченко дар шаҳри Душанбе маро ҳамчун сафир ва шаҳрванди Украина ниҳоят хушҳол сохт. Мо дар доираи ҳамкориҳои фарҳангӣ метавонем нимпайкараҳои шоирони классик ва муосири тоҷикро дар мавзеъҳои мухталифи Украина бунёд созем”. Дипломати украинӣ аз сатҳи ҳамкориҳои кишвараш бо Тоҷикистон дар заминаҳои мухталиф изҳори қаноатмандӣ намуда, гуфт, ки кишвараш омода аст. то дар ояндаи наздик робитаҳои ҳасанаро бо Тоҷикистон тақвият бахшад.14.14.