Қулфкушои маъниҳои бикр

Ҳисор, 31 январ. (АМИТ «Ховар», Ҳотам Рабиев).-Сарзамини Ҳисор бо шоирону орифони машҳураш дар ҳар давру замон ифтихори миллати тоҷик буду ҳаст. Шуарое, ки дар ҳавзаҳои адабии ин сарзамин дар давраҳои гуногун фаъолият доштанд, фахри миллатанд. Аз ҷумла, Парии Ҳисорӣ, Ҳасрати Ҳисорӣ, Мавлоно Яъқуби Чархӣ, Карим-девона, домулло Шарифи Ҳисорӣ, устод Мирзо Турсунзода, Ҳабибулло Назаров, Ҳикмат Раҳмат, Султонмуроди Одина, Ҳидоятулло Раҳмонӣ ва дигарон аз ҳамин зумраанд.Дар байни шоирону олимони муосир чун як ганҷи ноёб, чун як шахсияти баркамоли илму фарҳанг номбардори арзандаи бузургони гузашта, шоир, ориф, нависанда ва олими забардасти дини мубини ислом, қулфкушои маъниҳои бикр устод Саидалии Саид мавқеи хосса дорад.