Гузаронидани ҷарроҳии кӯдакони синни бармаҳал мумкин гардид

Душанбе, 10 январ. (АМИТ «Ховар», Ибодат Давлатова).- Соли ҷорӣ бори аввал дар Маркази ҷумҳуриявии клиникии дилу рагҳо шуъбаи кӯдаконаи ҷарроҳии кӯдакони синни бармаҳал гузаронида шуд. Тавре ки аз Вазорати тандурустии мамлакат иттилоъ доданд, дар давоми 1,5 соли охир дар зиёда аз 170 нафар кӯдак аз ҳисоби буҷаи давлатӣ амалиёти ҷарроҳии дилу рагҳо гузаронида шуд. Аз ин шумора дар Маркази ҷарроҳии дилу рагҳои вилояти Суғд 53 нафар кӯдаки гирифтори нуқсони гуногуни модарзодии дил ҷарроҳӣ шуд. Бояд гуфт, ки дар соли 2012 8 нафар мутахассиси тибби кишвар дар Ҷумҳурии Мардумии Чин дар давраҳои омӯзишии се, шаш ва нуҳмоҳа таълим гирифтанд.