Ифтитоҳи литсей дар донишгоҳ

Душанбе, 29 январ. (АМИТ «Ховар», Раъно Нусратуллоева).- Имрӯз филиали мо дорои озмоишгоҳҳои илмӣ ва таълимӣ аз фанни физика, химия ва геология,чор синфхонаи компютерӣ, чор кабинети лингафонӣ ва чор маркази муҷаҳҳаз бо таҷҳизоти таълимии техникӣ, китобхонаи анъанавӣ ва электронӣ мебошад,- гуфт зимни нишасти матбуотӣ ректори филиали Донишгоҳи давлатии Маскав ба номи М.В. Ломоносов дар шаҳри Душанбе Ҳайдар Одинаев 29 январ. Дар филиал 124 компютери замонавӣ насб гардидааст, ки ба шабакаи интернет пайваст мебошад. Дарсҳо аз рӯи нақшаҳои таълимии мутахассис ва насли дуюм ва сеюми бакалавр мегузаранд. Дарсҳои ихтисосҳои асосиро устодони донишгоҳи Маскав таълим медиҳанд.Донишҷӯёни филиали мазкур дар шабакаи интернетӣ дар олимпиадаи байналмилалӣ аз фанҳои физика, химия, математика, информатика, забони русӣ ва таърихи Русия ширкат намуда, сазовори медалҳои тилло, нуқра ва биринҷӣ гардиданд. Ҳамчунин дар олимпиадаи солонаи донишҷӯёни мактабҳои олии Ҷумҳурии Тоҷикистон иштирок намуда, соҳиби ҷойҳои намоён гардиданд. Як дастоварди донишгоҳ-ин дар соли таҳсили 2012-2013 кушодашавии литсейи равияи табиию риёзӣ мебошад, -гуфт ректор Ҳайдар Одинаев.