Мулоқоти Ҳ. Зарифӣ бо роҳбари Дафтари САҲА дар Душанбе

Душанбе, 29 январ. (АМИТ «Ховар», Бекназари Абӯбакр). -Дирӯз вазири корҳои хориҷии Ҷумҳурии Тоҷикистон Ҳамрохон Зарифӣ роҳбари Дафтари САҲА дар Душанбе сафир Ивар Виккиро бо сабаби ба итмом расидани муҳлати хидматаш ба ҳузур пазируфт.Дар ҷараёни мулоқот масъалаҳои марбут ба ҳамкориҳо миёни Тоҷикистон ва САҲА мавриди баррасӣ қарор гирифтанд. Ҳамрохон Зарифӣ ба сафир Ивар Викки барoи саҳмаш дар густариши муносибатҳои ҳамкорӣ байни Ҷумҳурии Тоҷикистон ва САҲА изҳори сипос намуд.Дар ин бора ба АМИТ «Ховар» аз Раёсати иттилоот, матбуот, таҳлил ва тарҳрезии сиёсати берунии ВКХ ҶТ хабар доданд.