Озмун барои дарёфти ҷоизаи Лоҳутӣ

Душанбе, 21 январ. (АМИТ «Ховар», Баҳманёр Муродов).- Кумитаи ҷоизаи Иттифоқи журналистони Тоҷикистон ба номи Лоҳутӣ барои дарёфти ин ҷоиза дар соли 2013 озмун эълон мекунад.  Озмун дар чор бахш – «Беҳтарин маводи нашршудаи матбуотӣ», «Бехтарин барномаи телевизионӣ», «Беҳтарин маводи радиоӣ» ва «Беҳтарин асари илмӣ- тадқиқотӣ дар соҳаи журналистика» гузаронида мешавад. Дар озмун танҳо нафароне ҳуқуқи иштирок доранд, ки ба узвияти Иттифоқи журналистони Тоҷикистон пазируфта шудаанд. Қабули мавод то 1- уми марти соли ҷорӣ идома ёфта, барандагони ҷоиза рӯзи 11 март, дар маросими ҷашни Рӯзи матбуот муайян мешаванд. Ҷоизаи ба номи Лоҳутӣ олитарин ҷоизаи журналистӣ дар кишвар буда, ҳанӯз аз соли 1968 ҳамасола ба журналистони муваффақ супорида мешавад.