Рушди варзиш дар Варзоб

Душанбе, 24 январ. (АМИТ «Ховар», Музаффар Рустамов).– Cоли 2012 барои варзишгарони ноҳияи Варзоб соли фаромӯшнашаванда буд. Соли сипаригардида варзишгарони ноҳия дар мусобиқаҳои ҷаҳонӣ, байналмилалӣ ва осиёӣ ширкат намуда, дар маҷмуъ 15 медал, аз ҷумла 9 тилло, 2 нуқра ва 4 биринҷӣ ба даст оварданд. Инчунин дар мусобиқаҳои ҷумҳуриявӣ ва ноҳиявӣ низ иштирок карданд, ки шумораи медалҳои овардаашон 121 ададро ташкил менамояд. Дар ноҳия ду майдони варзишӣ барои 2 000 ҷои нишаст, 10 толори варзишӣ, 40 майдончаи варзишии наздимактабӣ ва 8 майдончаи варзишӣ, ки аз тарафи ҷавонони деҳот сохташудаанд, мавҷуд аст.