Спитамен: Қисми зиёди маблағи буҷа барои соҳаи маориф

Суғд, 15 январ.(АМИТ «Ховар», Самад Юсуфӣ). — Дар ноҳияи Спитамен маҷлиси фаъолони ноҳия оид ба ҷамъбасти фаъолияти рушди иқтисодию иҷтимоии ноҳия дар соли 2012 ва вазифаҳои минбаъда барои соли 2013 баргузор гардид.Зикр шуд, ки нақшаи солонаи воридоти даромади умумии буҷа ба андозаи 105,9 фоиз ва нақшаи қисми даромади буҷаи маҳаллӣ 105,6 фоиз таъмин гардид. Дар ин давра аз ҳисоби буҷаи маҳаллии ноҳия барои маблағгузории соҳаи маориф 12681 ҳазор сомонӣ (60,2 фоиз), тандурустӣ 5091,9 ҳазор сомонӣ (24,2 фоиз), ҳифзи иҷтимоии аҳолӣ 205,8 ҳазор сомонӣ (1,0 фоиз), чорабиниҳои фарҳангию варзишӣ 951 ҳазор сомонӣ (4,5 фоиз) ва рушди хоҷагии манзилию коммуналӣ 501 ҳазор сомонӣ (2,4 фоиз) равона карда шуд.Дар соли 2012-ум аз тарафи корхонаҳои саноатӣ ба маблағи 110, 86 млн. сомонӣ маҳсулот истеҳсол шуд, ки ин нисбат ба ҳамин давраи соли гузашта 121,4 фоизро ташкил кардааст. Дар айни ҳол дар ноҳия 32 мактаб, 10 муассисаи томактабӣ, инчунин парваришгоҳ ва маркази таҳсилоти иловагӣ амал мекунанд.