Захираи тухмиҳои хушсифат

Душанбе, 19 январ. (АМИТ «Ховар», Фирӯза Давлатова).- Дар соли 2012 аз буҷаи ҷумҳурӣ 5000 ҳазор сомонӣ ҷудо шудааст, ки он барои таъмини хоҷагиҳои ноҳияҳои баландкуҳи ҷумҳурӣ бо тухмии хушсифати картошка мебошад. То ин муддат ба хоҷагиҳои ВМКБ-100 тонна, вилояти Суғд-300 тонна, вилояти Хатлон – 211 тонна ва ноҳияҳои тобеи ҷумҳурӣ 688 тонна тухмӣ дастрас шуд.Бо маблағҳои боқимонда аз шаҳри Краснодари Федератсияи Русия ба миқдори 612 тонна гандуми тухмии элитаи навъҳои «Краснодар-99», «Иришка» ва «Кралия» харид гардида, ба ВМКБ 7 тонна, ба вилояти Суғд 161 тонна, ба вилояти Хатлон 283 тонна ва ба ноҳияҳои тобеи ҷумҳурӣ 161 тонна фиристонида шуд.