Ҳунармандони туркман ба Душанбе меоянд

Душанбе, 11 феврал. (АМИТ «Ховар», Баҳманёр Муродов).- Рўзи 15-уми феврал ҳунармандони маъруфи Ҷумҳурии Туркманистон дар толори Театри академии опера ва балети ба номи Садриддин Айнӣ барномаи ҳунарӣ баргузор менамоянд. Гуфта мешавад, ки ин консерт ба дўстии Тоҷикистону Туркманистон бахшида шуда, дар он сарояндагони туркман бо сурудҳои фолклорӣ, миллӣ ва эстрадӣ фарҳанги худро дар кишвари мо муаррифӣ менамоянд. Ҳамчунин баъди анҷоми консерти ҳунарии ҳунармандони Туркманистон расму мусаввараҳои рассомони машҳури ин кишвар ба намоиш гузошта мешавад.